Қимматли қоғозлар эмитентлари

Рейтинг бериш жараёнида "Ahbor-Reyting"рейтинг агентлиги ва унинг таҳлилчилари ўз ишида қуйидаги асосий тамойилларга таянади:

• 1. Мустақиллик. Кредит рейтинги рейтинг агентлигининг эмитентнинг кредитга лаёқатлилиги борасидаги мустақил фикрини билдиради. "Ahbor-Reyting" рейтинг агентлигининг бозорнинг хар қандай иштирокчилари, давлат ва нодавлат ташкилотларидан мустақиллиги - кредитга лаёқатлилик баҳоларининг холислиги ва объективлигининг муҳим кафолатларидан биридир. Мустақиллик таҳлилнинг юқори даражали сифати билан бир қаторда, "Ahbor-Reyting" рейтинг агентлиги томонидан берилган рейтингларнинг аниқлигини таъминлайди.
  
  

• 2. Таҳлилий мезонларнинг ошкоралиги. Сармоядорларга "Ahbor-Reyting" рейтинг агентлигининг хатарларни баҳолашдаги таҳлилий ёндашуви борасида тўлиқ тушунча берадиган муҳим амалиётдир. "Ahbor-Reyting" рейтинг агентлиги томонидан қўлланиладиган барча таҳлилий мезонлар оммабоп бўлиб, рейтинг агентлигининг (www.ahbor.uz) информацион сайтида жойлаштирилган.
  
  

• 3. Коллегиаллилик. У ёки бу эмитентларнинг таҳлилига жавобгар аналитикларнинг фикрини манипуляция қилиш имкониятини чекловчи қарор қабул қилиш жараёнидир. "Ahbor-Reyting" рейтинг комитети - рейтинг бериш жараёнининг муҳим механизми бўлиб, таҳлилчилар баҳосининг холислиги, сифат назорати ва таҳлилчилар фикрига ҳар қандай ташқи босимни чеклаш кафолати ҳисобланади. "Ahbor-Reyting" РА рейтинг комитетида агентлиги фаолиятининг турли йўналишлари бўйича ихтисослашган 5 та мутахассис иштирок этади. Рейтинг комитети вазифаси - айни эмитент бўйича рейтинг ҳисоботининг муҳокамаси ҳамда овоз бериш йўли билан маълум даражадаги рейтинг беришдир.
  
  

• 4. Интерактивлик. Рейтинг берилиши ва унинг кейинги мониторинги жараёнида эмитент билан бўладиган ўзаро ҳамкорлик тамойилидир. "Ahbor-Reyting" рейтинг агентлиги аввалам бор эмитент томонидан тақдим этилган маълумотга таянади, унинг молиявий холатига таъсир қилиши мумкин бўлган барча ҳолатларни чуқур таҳлил қилади. Интерактивлик эмитент раҳбарияти билан доимий учрашувлар ва содир бўлаётган ўзгаришларни тезлик билан инобатга олиш имконини берадиган доимий информацион алоқани назарда тутади.
  
  

• 5. Маълумотнинг сир сақланиши. "Ahbor-Reyting" рейтинг агентлиги иш жараёнининг принципиал шарти бўлиб ҳисобланади ҳамда агентлик таҳлилчиларига тақдим этилган маълумотларнинг сир сақланиши ва берилган рейтинг баҳосининг эмитентнинг розилиги билангина ошкор қилинишини кафолатлайди.
  
  

• 6. қўлланиладиган методология. "Ahbor-Reyting" рейтинг агентлиги томонидан қўлланиладиган рейтинги методологияси энг яхши чет эл рейтинг амалиётини ҳисобга олган ҳолда, жумладан Осиё кредит рейтинг агентликлари Ассоциацияси (Association of Credit Rating Agencies in Asia - ACRAA) ҳамда ҳалқаро рейтинг агентликлари, жумладан Moody's Investor Services, Fitch Ratings, Standard & Poor's, Japan Credit Rating Agency, Information and Credit Rating Agency(Хиндистон) тажрибасини инобатга олган ҳолда ишлаб чиқилган.
  
  

• 7. Рейтинг шкалаларининг қўлланилиши. Шкала турли иқтисодий муҳит эмитентларини (корпорациялар, регионлар, банклар, кредит уюшмалари, микрокредит ташкилотлари, суғурта ва лизинг ташкилотлари ва бошқалар) кредит хатари ўлчами бўйича солиштиришга имкон беради, эмитент ва унинг мажбуриятларини тор тармоқ чегарасидан олиб чиқади.