Қимматли қоғозлар эмитентлари

"Ahbor-Reyting" кредит рейтинги эмитентнинг рейтинг баҳосининг амал қилиш муддати давомида рейтинга тортилаётган барча ўз мажбуриятлари бўйича асосий қарзни ва фоизларни тўлаш бўйича молиявий мажбуриятларини ўз вақтида ва тўлиқ бажариши эҳтимолининг стандартлаштирилган ва холис баҳосини билдиради.

Кредит рейтинги сармоялаш жараёнидаги таваккалчилик баҳоси ҳисобланади, аммо сармоя объектининг инвестицион жозибадорлигининг баҳоси бўлиб ҳисобланмайди.

Кредит рейтинги сармоядор таваккаллилигини қоплайдиган сармоялаш жараёнидаги даромадлар даражасини ҳисобга олмайди.

Кредит рейтинги алоҳида банкларнинг ва қимматли қоғозлар эмитентларининг таваккалчилигининг таққосий баҳоси ҳисобланади, лекин уларнинг таваккалчилигининг абсолют даражасининг баҳоси бўлиб эмас, яъни мажбуриятларнинг бажарилмаслигининг миқдорий (абсолют) ифодасини англатмайди.

Кредит рейтинги "Ahbor-Reyting" нинг эмитентнинг рейтинг берилган санадаги тўловга лаёқатлилиги тўғрисидаги фикрини акс эттиради. Шу боис, кредит рейтинги берилганидан кейин доимий равишда эмитент ҳақидаги маълумотлар мониторинг қилиб борилади. қарз олувчининг тўловга лаёқатлилиги ҳақидаги муҳим ўзгаришлари ҳақидаги маълумотлари олингандан кейин, кредит рейтинги у ёки бу тарафга ўзгариши мумкин, ёки таҳлил учун керакли маълумотларни олиб бўлмаслиги туфайли қайтариб олиниши мумкин.

Кредит рейтинги рейтингланаётган субъектлар борасида маълум харакатлар тавсияси бўлиб ҳисобланмайди, яъни рейтинг эгасининг тўловга лаёқатлилигининг кафолати, у ёки бу қимматли қоғозларни сотиб олиш, сотиш ёки сотмаслик бўйича тавсия, аниқ бир сармоядор учун эмитентнинг инвестицион жозибадорлиги ва қарз мажбуриятларининг бозор қиймати бўйича фикри бўлиб ҳисобланмайди.